ఆంధ్రభారతి - తాళ్లపాక అన్నమాచార్య కీర్తనలు - ఇందులోనే కానవచ్చె నిన్నిటా నీ మహిమలు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 348-2
సంపుటము: 4-280

తాళ్లపాక అన్నమాచార్య

రాగము: మేఘరంజి

ఇందులోనే కానవచ్చె నిన్నిటా నీ మహిమలు చెంది నీవే దిక్కు మాకు సీతాపతిరామా	॥పల్లవి॥
దేవ నీకు వలసితే తృణము బ్రహ్మాస్త్రమాయ భావించితే రాతికిఁ బ్రాణము వచ్చె కావలసి యేసితే నాకాశముకట్లు దెగె దైవమవంటే నీవే దశరథరామా	॥ఇందు॥
కూరుచుక యేలితేను కోఁతులు రాజ్యముసేసె కోరితేనే నీటిపైఁ గొండలు దేలె సారెఁ గదలివచ్చె నీ సన్నల సంజీవికొండ యేరీతి నీసరి వేరీ యినకులరామా	॥ఇందు॥
సూటి నీవు దలఁచితే సురలు పంపుసేసిరి చాటితేనే నీపేరు జపమాయను ఆటల నీకతలెల్లా నాచంద్రార్కమై నిలిచె గాటపు సిరుల శ్రీవేంకటగిరిరామా	॥ఇందు॥