ఆంధ్రభారతి - తాళ్లపాక అన్నమాచార్య కీర్తనలు - రామునికి శరణంటె రక్షించీ బ్రదుకరొ - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 348-5
సంపుటము: 4-283

తాళ్లపాక అన్నమాచార్య

రాగము: సామంతం

రామునికి శరణంటె రక్షించీ బ్రదుకరొ యేమిటికి విచారాలు యిఁక దైత్యులాల	॥పల్లవి॥
చలమునఁ దాటికిఁ జదిపిన బాణము లలి మారీచసుబాహూలపై బాణము మెలఁగి పరశురాము మేట్లేసిన బాణము తళతళ మెరసీని తలరో యసురలు	॥రాము॥
మాయామృగముమీఁద మరి వేసిన బాణము చేయి చాఁచి వాటి నేసిన బాణము తోయధిమీఁద నటు తొడిగిన బాణము చాయలు దేరుచున్నది చనరో దైతేయులు	॥రాము॥
తగఁ గుంభకర్ణునితల ద్రుంచిన బాణము జిగి రావణుఁ బరిమార్చిన బాణము మిగుల శ్రీవేంకటేశు మేఁటిపొదలో నున్నది పగ సాధించీ నిఁకఁ బారరో రాకాసులు	॥రాము॥