ఆంధ్రభారతి - తాళ్లపాక అన్నమాచార్య కీర్తనలు - జగతి వైశాఖశుద్ధచతుర్దశి మందవార - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 349-1
సంపుటము: 4-285

తాళ్లపాక అన్నమాచార్య

రాగము: గుండక్రియ

జగతి వైశాఖశుద్ధచతుర్దశి మందవార- మగణితముగఁ గూడె నదె స్వాతియోగము	॥పల్లవి॥
పక్కన నుక్కుఁగంభము పగిలించుక వెడలి తొక్కి హిరణ్యకసిపుఁ దొడికిపట్టి చక్కఁగాఁ గడపమీఁద సంధ్యాకాలమున వక్కలు సేసె నురవడి నరసింహుఁడు	॥జగ॥
పిప్పిగాఁగఁ జప్పరించి పేగులు జందేలు వేసి తొప్పఁదోఁగుచు నెత్తురు దోసిటఁ జల్లె రొప్పుచుఁ గోపముతోఁ గేరుచుఁ బకపకనవ్వి తప్పక చూచె వాని నుదగ్రనరసింహుఁడు	॥జగ॥
యెదుటఁ బ్రహ్లాదుఁ జూచి యిందిరఁ దొడపై నుంచె అదన నందరికి నభయమిచ్చె కదసి శ్రీవేంకటాద్రిగద్దెమీఁదఁ గూచుండె వెదచల్లెఁ గృపయెల్ల వీరనరసింహుఁడు	॥జగ॥