ఆంధ్రభారతి - తాళ్లపాక అన్నమాచార్య కీర్తనలు - వీధుల వీధుల విభుఁ డేఁగీ నిదె - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 349-2
సంపుటము: 4-286

తాళ్లపాక అన్నమాచార్య

రాగము: సౌరాష్ట్రం

వీధుల వీధుల విభుఁ డేఁగీ నిదె మోదము తోడుత మొక్కరొ జనులు	॥పల్లవి॥
గరుడధ్వజ మదె కనకరథం బదె అరదముపై హరి యలవాఁడె యిరుదెసల నున్నారు యిందిరయు భువియు పరఁగ బగ్గములు పట్టరో జనులు	॥వీధు॥
ఆడే రదివో యచ్చరలెల్లను పాడేరు గంధర్వపతులెల్లా వేడుకతో వీఁడె విష్వక్సేనుఁడు కూడి యిందరునుఁ జూడరో జనులు	॥వీధు॥
శ్రీవేంకటపతిశిఖరముచాయదె భావింప బహువైభవము లవే గోవిందనామపుఘోషణ లిడుచును దైవం బితఁడని తలఁచరో జనులు	॥వీధు॥