ఆంధ్రభారతి - తాళ్లపాక అన్నమాచార్య కీర్తనలు - శ్రావణబహుళాష్టమి సవరేత్రికాడను - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 349-3
సంపుటము: 4-287

తాళ్లపాక అన్నమాచార్య

రాగము: మాళవశ్రీ

శ్రావణబహుళాష్టమి సవరేత్రికాడను శ్రీవిభుఁ డుదయించెఁ జెలులాల వినరే	॥పల్లవి॥
అసురల శిక్షించ నమరుల రక్షించ వసుధ భారమెల్లా నివారింపను వసుదేవునికిని దేవకీదేవికిని అసదృశమగు కృష్ణుఁ డవతారమందెను	॥శ్రావ॥
గోపకలమన్నించ గొల్లలనెల్లాఁ గావఁగ దాపై మునులనెల్లా దయసేయను దీపించ నందునికి దేవియైన యశోదకు యేపున సుతుఁడై కృష్ణుఁ డిన్నిటాఁ బెరిగెను	॥శ్రావ॥
పాండవుల మనుపఁగ పదారువేలఁ బెండ్లాడఁగ నిండి శ్రీవేంకటాద్రిపై నిలుచుండఁగా అండ నలమేల్మంగ నక్కునఁ గాఁగలించఁగ దండియైయుండఁ గృష్ణుఁడు తగ నుతికెక్కెను	॥శ్రావ॥