ఆంధ్రభారతి - తాళ్లపాక అన్నమాచార్య కీర్తనలు - ఈడ నిందరికి నేలికై వున్నాఁడు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 349-5
సంపుటము: 4-289

తాళ్లపాక అన్నమాచార్య

రాగము: శుద్ధవసంతం

ఈడ నిందరికి నేలికై వున్నాఁడు వాడల రేపల్లెవాఁడా వీఁడు	॥పల్లవి॥
భారపువుట్ల పాలుఁబెరుగులు వారలు వట్టినవాఁడా వీఁడు కోరి గొల్లెతల కొలనిలోపల చీరలుదీసిన శిశువా వీఁడు	॥ఈడ॥
ఆవులఁ బేయల నందరియిండ్ల వావిరిఁ గాచినవాఁడా వీఁడు వావు లొక్కటిగా వనితలఁ గూడి వేవేలునేర్చినవిటుఁడా వీఁడు	॥ఈడ॥
అరుదై శ్రీవేంకటాద్రిమీఁదనుండి వరములిచ్చేటివాఁడా వీఁడు మరిగెలమేల్మంగతో మమ్మేలె సరసుఁడై వుండేజాణా వీఁడు	॥ఈడ॥