ఆంధ్రభారతి - తాళ్లపాక అన్నమాచార్య కీర్తనలు - ధర్మమునకే మము దయఁ గావవే యిఁక - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 349-6
సంపుటము: 4-290

తాళ్లపాక అన్నమాచార్య

రాగము: శంకరాభరణం

ధర్మమునకే మము దయఁ గావవే యిఁక నిర్మలుఁడవు నిను నే మెరిఁగేమా	॥పల్లవి॥
కాయధారులము కర్మలోలులము మాయ కగపడినమనుజులము పాయపుమదమున భ్రమసే మా మనసు నీయెడఁ దగులై నిలిచీనా	॥ధర్మ॥
చాపల్యగుణము జడులమన్నిటాను పాపపుణ్యసంబద్ధులము పైపైఁగోర్కుల ప్రబలేమాబ్రదుకు యేపనులకు నీకెక్కీనా	॥ధర్మ॥
అతిప్రాకృతులము అహంకారులము సతతంబునుఁ జంచలులము హితవుగ శ్రీవేంకటేశ యేలితివి తతితో నీభక్తి తగ మరచేమా	॥ధర్మ॥