ఆంధ్రభారతి - తాళ్లపాక అన్నమాచార్య కీర్తనలు - చిత్తజగురుఁడ వో శ్రీ నరసింహా - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 350-2
సంపుటము: 4-292

తాళ్లపాక అన్నమాచార్య

రాగము: మధ్యమావతి

చిత్తజగురుఁడ వో శ్రీ నరసింహా బత్తి సేసేరు మునులు పరికించవయ్యా	॥పల్లవి॥
సకలదేవతలును జయవెట్టుచున్నారు చకితులై దానవులు సమసి రదె అకలంకయగు లక్ష్మి యటు నీ తొడపై నెక్కె ప్రకటమైన నీ కోపము మానవయ్యా	॥చిత్త॥
తుంబురునారదాదులు దొరకొని పాడేరు అంబుజాసనుఁ డభయమడిగీ నదె అంబరవీధి నాడేరు యచ్చరలందరుఁ గూడి శంబరరిపుజనక శాంతము చూపవయ్యా	॥చిత్త॥
హత్తి కొలిచే రదె యక్షులును గంధర్వులు చిత్తగించు పొగడేరు సిద్ధసాధ్యులు సత్తుగా నీ దాసులము శరణు చొచ్చితి మిదె యిత్తల శ్రీవేంకటేశ యేలుకొనవయ్యా	॥చిత్త॥