ఆంధ్రభారతి - తాళ్లపాక అన్నమాచార్య కీర్తనలు - హరి హరి నీ మాయామహిమ - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 350-3
సంపుటము: 4-293

తాళ్లపాక అన్నమాచార్య

రాగము: నారాయణి

హరి హరి నీ మాయామహిమ సరవి దెలియ ననుఁ గరుణించఁ గదే	॥పల్లవి॥
తలఁతును నా పాలిదైవమవని నిను తలఁతును తల్లివిఁ దండ్రివని మలసి యంతలో మఱతును తెలుతును కలవలె నున్నది కడ గనరాదు	॥హరి॥
మొక్కుదు నొకపరి మొగి నేలికవని మొక్కుదు నీ వాదిమూలమని వుక్కున గర్వించి యుబ్బుదు సగ్గుదు కక్కసమైనది కడ గనరాదు	॥హరి॥
చూతును నీమూర్తి సులభుఁడవనుచును చూతు జగములకు సోద్యమని యీతల శ్రీవేంకటేశ నన్నేలితివి కౌతుకమొదవెను కడ గనరాదు	॥హరి॥