ఆంధ్రభారతి - తాళ్లపాక అన్నమాచార్య కీర్తనలు - ఓవో రాకాసులాల వొద్దు సుండి వైరము - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 350-5
సంపుటము: 4-295

తాళ్లపాక అన్నమాచార్య

రాగము: శోకవరాళి

ఓవో రాకాసులాల వొద్దు సుండి వైరము దేవుని శరణనరో తెలుసుకోరో	॥పల్లవి॥
జగములో రాముఁడై జనియించె విష్ణుఁడదె అగపడి లక్ష్మి సీతయై పుట్టెను తగు శేష చక్ర శంఖ దైవసాధనములెల్ల జిగి లక్ష్మణభరతాంచితశత్రుఘ్నులైరి	॥ఓవో॥
సురలు వానరులైరి సూర్యుఁడు సుగ్రీవుఁడు మరిగిఁ రుద్రుఁడే హనుమంతుఁడాయను సరుస బ్రహ్మదేవుఁడు జాంబవంతుఁడైనాఁడు వెరవరి నలుఁడే విశ్వకర్మ సుండి	॥ఓవో॥
కట్టిరి సేతువపుడె ఘనులెల్ల దాఁటిరి ముట్టిరి లంకానగరము నీదళము యిట్టె శ్రీవేంకటేశుఁ డితఁడై రావణుఁ జంపె వొట్టుక వరము లిచ్చీ నొనర దాసులకు	॥ఓవో॥