[1]బ్రహ్మఁ గడిగిన పాదము బ్రహ్మము దానె నీపాదము	॥బ్రహ్మ॥
చెలఁగి వసుధ [2]గొలిచిన నీపాదము బలితల మోపిన పాదము తలఁకక గగనము దన్నిన పాదము బలరిపుఁ గాచిన పాదము	॥బ్రహ్మ॥
కామిని పాపము గడిగిన పాదము పాముతల నిడిన పాదము ప్రేమపు శ్రీసతి [3]పిసికెడి పాదము పామిడి[4] తురగపుఁ పాదము	॥బ్రహ్మ॥
పరమయోగులకుఁ బరిపరి విధముల పరమొసఁగెడి నీపాదము తిరువేంకటగిరి తిరమని చూపిన పరమపదము నీపాదము	॥బ్రహ్మ॥

---

^[1] ఈపాటలో ‘నీపాదము’ అనుట ఉచితమేమో? ‘ఈపాదము’ అని గాయకులు పాడుట గలదు.

^[2] ‘గొలచి’ రేకు.

^[3] ‘పిసికేటి’ రేకు.

^[4] నిడురేకు 86- పామెడి.