ఆంధ్రభారతి - తాళ్లపాక అన్నమాచార్య కీర్తనలు - జీవుఁడూ నొక్కటే చిత్తమూ నొక్కటే - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 350-6
సంపుటము: 4-296

తాళ్లపాక అన్నమాచార్య

రాగము: బౌళి

జీవుఁడూ నొక్కటే చిత్తమూ నొక్కటే వేవేలు మాయలచే వెలయుఁ గొన్నాళ్లు	॥పల్లవి॥
వొక్కటే దేహము వూరకే బాల్యావస్థ యెక్కడౌతా నెరఁగడు యిటు గొన్నాళ్లు చక్కఁగ నంతటిలోనె జవ్వనసాయమునాఁడు మిక్కిలి పోకలఁ బోయి మెరయుఁ గొన్నాళ్లు	॥జీవు॥
ఆఁకలీ నొక్కటె యటు జనించిననాఁడు వోఁకరెన్నఁడో దాఁగి వుండుఁ గొన్నాళ్లు కాఁకల నంతటిలోనె కమ్మరఁ బుట్టినప్పుడే వేఁకమై పలురుచులు వెదకుఁ గొన్నాళ్లు	॥జీవు॥
దేవుఁడూ నొక్కఁడే తెలియుదాఁకాఁ బెక్కు- దేవతలై భ్రమయించు దేహము గొన్నాళ్లు చేవమీర నంతలోనె శ్రీవేంకటేశుఁడై సేవ గొని సుజ్ఞానిఁ జేసుఁ గొన్నాళ్లు	॥జీవు॥