ఆంధ్రభారతి - తాళ్లపాక అన్నమాచార్య కీర్తనలు - ఇతఁడొకఁడే సర్వేశ్వరుఁడు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 351-2
సంపుటము: 4-298

తాళ్లపాక అన్నమాచార్య

రాగము: పళవంజరం

ఇతఁడొకఁడే సర్వేశ్వరుఁడు సితకమలాక్షుఁడు శ్రీవేంకటేశుఁడు	॥పల్లవి॥
పరమయోగులకు భావనిధానము అరయనింద్రాదుల కైశ్వర్యము గరిమ గొల్లెతల కాఁగిటిసౌఖ్యము సిరలొసఁగేటియీ శ్రీవేంకటేశుఁడు	॥ఇత॥
కలిగి యశోదకు కన్నమాణికము తలఁచినకరికిని తగుదిక్కు అలద్రౌపదికిని యాపద్భంధుడు చెలరేఁగినయీ శ్రీవేంకటేశుఁడు	॥ఇత॥
తగిలినమునులకు తపములసత్ఫలము ముగురువేలుపులకు మూలము వొగి నలమేల్మంగకొనరిన పతితఁడు జిగిమించినయీ శ్రీవేంకటేశుఁడు	॥ఇత॥