ఆంధ్రభారతి - తాళ్లపాక అన్నమాచార్య కీర్తనలు - నిండెను లోకములెల్ల నెరి నితని కరుణ - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 351-3
సంపుటము: 4-299

తాళ్లపాక అన్నమాచార్య

రాగము: వసంతం

నిండెను లోకములెల్ల నెరి నితని కరుణ పండి రాసులాయఁ గీర్తిప్రతాపములెల్లను	॥పల్లవి॥
గరుడవేగమునఁ గదలె విజయరథ- మిరవై యందు దేవుడేఁగుచుండఁగా సొరిదిఁ బట్టుకుచ్చులు చుక్కలతో సందడించ గరిమఁ బైఁడికుండలు గగనముదాఁకను	॥నిండె॥
అనిలవేగమున నదెవెడలె రథము ఆనిమిషులు పగ్గములందుకొనఁగా తనుఁదానె ఘనశంఖధ్వనులు దిక్కులనిండ సునిసి చక్రము దనుజుల సాధింపఁగను	॥నిండె॥
వెలయ మనోవేగాన వేంచేసీ మగిడి రథ- మెలమిఁ దమదాసులు యేచి పొగడ అలమేలుమంగ దనకటు విడెమియ్యఁగాను బలిమి శ్రీవేంకటాద్రిపతి మించీనిందును	॥నిండె॥