ఆంధ్రభారతి - తాళ్లపాక అన్నమాచార్య కీర్తనలు - దేవతలఁ గాచిన దేవుఁ డితఁడు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 351-4
సంపుటము: 4-300

తాళ్లపాక అన్నమాచార్య

రాగము: బౌళిరామక్రియ

దేవతలఁ గాచిన దేవుఁ డితఁడు వేవులు ప్రతాపముల వీరరాముఁ డితఁడు	॥పల్లవి॥
రావణుఁజంపి పుష్పకరథ మెక్కి సీతతోడ ఠావుగా నయోధ్యను పట్టముగట్టుక వావిరి సుగ్రీవాదివానరకోట్లు గొలువ చేవమీరి పొగడొందు శ్రీరాముఁ డితఁడు	॥దేవత॥
వసుధ యింతయునేలి వసిష్ఠాదులు వొగడ యెసగ నశ్వమేధాలెల్లాఁ జేసి పొసఁగఁ గుశలవుల పుత్రులగా నటుగాంచి రసికత మించు దశరథరాముఁ డితఁడు	॥దేవత॥
అలర రుద్రునెదుటనటు విశ్వరూపు చూపి లలి బ్రహ్మవట్ట మనిలజుని కిచ్చి యిల శ్రీవేంకటాద్రినిరవై నిలిచినాఁడు చలము సాధించిన జయరాముఁ డితఁడు	॥దేవత॥