ఆంధ్రభారతి - తాళ్లపాక అన్నమాచార్య కీర్తనలు - తల్లియాపె కృష్ణునికిఁ దండ్రి యీతఁడు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 352-2
సంపుటము: 4-304

తాళ్లపాక అన్నమాచార్య

రాగము: వసంతం

తల్లియాపె కృష్ణునికిఁ దండ్రి యీతఁడు చల్లఁగా లోకములెల్లా సంతోసమందెను	॥పల్లవి॥
అరుదై శ్రావణబహుళాష్టమినాటిరాత్రి తిరువవతారమందెను కృష్ణుఁడు యిరవై దేవకిదేవి యెత్తేకొని వసుదేవు - కరములందుఁ బెట్టితే కడుసంతోసించెను	॥తల్లి॥
తక్కక యమునానది దాఁటతఁడు రేపల్లెలో పక్కన యశోదాదేవిపక్కఁ బెట్టెను యెక్కువనాపె కృష్ణునినెత్తుక నందగోపుని గక్కన వినిపంచితే కడుసంతోసించెను	॥తల్లి॥
మరిగి పెద్దై కృష్ణుఁడు మధురలోఁ గంసుఁజంపి బెరసి యలమేల్మంగఁ బెండ్లాడి తిరమై శ్రీవేంకటాద్రిని దేవకీదేవియు ఇరవై తే వసుదేవుఁ డేఁచి సంతోసించెను	॥తల్లి॥