ఆంధ్రభారతి - తాళ్లపాక అన్నమాచార్య కీర్తనలు - తానే కాకెవ్వరు మాకు దాతయు దైవము తన- - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 31-5
సంపుటము: 1-192
అవతారాలు

తాళ్లపాక అన్నమాచార్య

రాగము: సామంతం

తానే కాకెవ్వరు మాకు దాతయు దైవము తన- లోనఁ బెట్టుకొని మాకు లోనైనవాఁడు	॥తానే॥
చదివించి, కూడువెట్టి, జారకుండ నిల్లుగట్టి, బెదురులేని బుద్ధి పిన్ననాఁడే చెప్పి, యెదిరి నడిగి, ద్రవ్యమిది గొమ్మనుచు నిచ్చి, పదిలమై తమ్ముఁ బాలించువాఁడు,	॥తానే॥
మోహవియోగమ్ము, మోహానురాగమ్ము, దేహవిభాగంబు దెలిపిన కలికి ఐహికమున వేంకటాధీశుఁడై సర్వ- దేహరక్షకుఁడై తిరుగుచున్నాఁడు	॥తానే॥

^[1] ఈ పాటలో మాత్రము దశావతారసమన్వయమున్నట్లు రేకు చెప్పినది.