ఆంధ్రభారతి - తాళ్లపాక అన్నమాచార్య కీర్తనలు - ఈతఁడు విష్ణుఁడు రిపు లెక్కడ చొచ్చేరు మీరు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 352-4
సంపుటము: 4-306

తాళ్లపాక అన్నమాచార్య

రాగము: భైరవి

ఈతఁడు విష్ణుఁడు రిపు లెక్కడ చొచ్చేరు మీరు చేత చక్రమెత్తినాఁడు శ్రీవేంకటేశుఁడు	॥పల్లవి॥
జలధులు చొచ్చిచొచ్చి సారెఁ బ్రతాపించినాఁడు చలమునఁ బాతాళము సాధించినాఁడు బలుభూమిదూరి వొక్కకొలికికిఁ దెచ్చినాఁడు నిలిచి యంతరిక్షమునిండి భేదించినాఁడు	॥ఈత॥
చేరి బ్రహ్మాండము తూఁటుసేసి చూచినాఁడు వీరుఁడై రాచమూఁకల వెదకినాఁడు ఘోరపుత్రికూటాదికొండలు జయించినాఁడు వారించి చక్రవాళపర్వతము దాఁటినాడు	॥ఈత॥
మట్టి దైత్యపురాల మర్మాలు విదళించినాఁడు చుట్టువేడెమున యింతా సోదించినాఁడు యిట్టె శ్రీవేంకటాద్రినిరవై యెక్కినవాఁడు రట్టుగాఁ దనదాసులనిట్టె రక్షించినాఁడు	॥ఈత॥