ఆంధ్రభారతి - తాళ్లపాక అన్నమాచార్య కీర్తనలు - జీవుఁ డించుకంత చేఁత సముద్రమంత - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 352-5
సంపుటము: 4-307

తాళ్లపాక అన్నమాచార్య

రాగము: వరాళి

జీవుఁ డించుకంత చేఁత సముద్రమంత చేవెక్కి పలుమారుఁ జిగిరించీ మాయ	॥పల్లవి॥
కోపములైతేను కోటానఁగోట్లు దీపనములైతేను దినకొత్తలు చాపలబుద్దులు సమయని రాసులు రాపాడీఁ గడవఁగరాదు వోమాయ	॥జీవుఁ॥
కోరికలైతేను కొండలపొడవులు తీరనిమోహాలు తెందేపలు వూరేటిచెలమలు వుడివోనిపంటలు యీరీతినే యెలయించీని మాయ	॥జీవుఁ॥
మునుకొన్నమదములు మోపులకొలఁదులు పెనఁగినలోభాలు పెనువాములు నినుపై శ్రీవేంకటేశ నీదాసులనంటదు యెనసి పరులనైతే యీఁదించీ మాయ	॥జీవుఁ॥