ఆంధ్రభారతి - తాళ్లపాక అన్నమాచార్య కీర్తనలు - పెదయౌబళపుఁ గొండఁ బెరిగీనిదే - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 353-1
సంపుటము: 4-309

తాళ్లపాక అన్నమాచార్య

రాగము: భల్లాటి

పెదయౌబళపుఁ గొండఁ బెరిగీనిదే వదలక కొలిచితే వరములిచ్చీని	॥పల్లవి॥
పదివేలశిరసుల బలునరసింహము గుదిగొన్నచేతుల గురుతైనది ఎదుటఁ బాదాలుఁ గన్నులెన్నైనఁ గలిగినది యిది బ్రహ్మాండపుగుహ నిరవైనది	॥పెద॥
ఘనశంఖచక్రాదుల కైదువలతోనున్నది మొనసి రాకాసిమెకములఁ గొట్టేది కనకపుదైత్యుని కడుపుచించినది తనునమ్మిన ప్రహ్లాదుదాపును దండైనది	॥పెద॥
శ్రీవనితఁ దొడమీఁదఁ జేకొని నిలిపినది దేవతలు గొలువ గద్దెపై నున్నది శ్రీవేంకటాద్రియందుఁ జెలఁగి భోగించేది భావించి చూచితేను పరబ్రహ్మమైనది	॥పెద॥