ఆంధ్రభారతి - తాళ్లపాక అన్నమాచార్య కీర్తనలు - నరులార నేఁడువో నారసింహజయంతి - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 353-2
సంపుటము: 4-310

తాళ్లపాక అన్నమాచార్య

రాగము: ముఖారి

నరులార నేఁడువో నారసింహజయంతి సురలకు నానందమై శుభములొసఁగెను	॥పల్లవి॥
సందించి వైశాఖ శుద్ద చతుర్దశి శనివార - మందు సంధ్యాకాలమున నౌభళేశుఁడు పొందుగాఁ గంభములోనఁ బొడమి కడపమీఁద కందువ గోళ్ళఁ జించెఁ గనక కశిపుని	॥నరు॥
నరమృగరూపము నానాహస్తముల అరిది శంఖచక్రాది ఆయుధాలతో గరిమఁ బ్రహ్లాదునిఁ గాచిరక్షించి నిలిచె గురుతర బ్రహ్మాండ గుహలోనను	॥నరు॥
కాంచనపు గద్దె మీఁద గక్కనఁ గొలువై యుండి మించుగ నిందిరఁ దొడమీఁద బెట్టుక అంచె శ్రీవేంకటగిరి నాదిమపురుషుండై వంచనసేయక మంచివరాలిచ్చీనదివో	॥నరు॥