ఆంధ్రభారతి - తాళ్లపాక అన్నమాచార్య కీర్తనలు - దైవమొక్కఁడే సంతత భజనీయుఁడు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 353-3
సంపుటము: 4-311

తాళ్లపాక అన్నమాచార్య

రాగము: సామంతం

దైవమొక్కఁడే సంతత భజనీయుఁడు భావము సమబుద్ధిఁ బాయఁగఁ దగదు	॥పల్లవి॥
హరియే నకలాంతరాత్మకుఁ డటుగాన తిరమై యొకరి నిందింపఁదగదు అరయఁగ లోకములనిత్య మటుగాన మరిగి కొందరిమీఁది మమతయు వలదు	॥దైవ॥
బహుకల్పితములెల్లఁ బ్రకృతిమూలమే కాన గహనపుఁదన వుద్యోగము వలదు సహజవిహారుఁడు సర్వేశ్వరుఁడుగాన వహిఁ దానేవచ్చినవి వలదనఁదగదు	॥దైవ॥
తపములు జపములు దాస్యమూలమె కాన వుపమల సందేహమొగి వలదు యెపుడును శ్రీవేంకటేశ్వరు సేవించి చపలచిత్తమువారి సంగమిఁక వలదు	॥దైవ॥