ఆంధ్రభారతి - తాళ్లపాక అన్నమాచార్య కీర్తనలు - ఎందరు సతులో యెందరు సుతులో - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 354-1
సంపుటము: 4-315

తాళ్లపాక అన్నమాచార్య

రాగము: రామక్రియ

ఎందరు సతులో యెందరు సుతులో యిందునందు నెట్లెరిఁగే నేను	॥పల్లవి॥
మలయుచు నాయభివనములని నే కెలననిపుడు వెదకేనంటే పలుయోనులలో పలమారుఁబొడమిన చలమరి నాతొలుజన్మంబులను	॥ఎంద॥
గరిమెలఁ బాణిగ్రహణము నేసిన సిరులచెలులఁ గలసేనంటే తరుణుల గురుతులు తలఁపున మరచితి పరగిన బహుకల్పంబులయందు	॥ఎంద॥
శ్రీ వేంకటగిరి చెలువుని యాజ్ఞల భావించియె కరిఁ బైకొంటి తావులఁజూడగ తగిలికోర్కుల భావరతుల బెంబడి మనసందు	॥ఎంద॥