ఆంధ్రభారతి - తాళ్లపాక అన్నమాచార్య కీర్తనలు - కటకట హరిమాయాకల్పనెట్టిదో - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 354-2
సంపుటము: 4-316

తాళ్లపాక అన్నమాచార్య

రాగము: గుండక్రియ

కటకట హరిమాయాకల్పనెట్టిదో తటుకునఁ బారవేసే తలఁపెందు లేదు	॥పల్లవి॥
అనంతకోటియుగాదులనుండియు తనివోక విషయాలఁ దగిలుండినా దినమొక్కొక్కరుచియై తీపులై పండీఁగాని వెనుకొన్న యాత్మకు వెగ టెందు లేదు	॥కటకటా॥
కడలేక నాలుకకుఁ గన్నయాహారములెల్ల వోడలిలోఁ బూఁటవూఁట వొట్టుకొనినా సడిఁ బైపై వింతవింతచవులే వెదకుఁగాని విడువని యాత్మకు వెగ టెందు లేదు	॥కటకటా॥
కలకాలముననుండి కాపురపు లంపటాలె కలిమితో మెడఁగుచ్చి కట్టుకొనినా యెలమితో శ్రీవేంకటేశ్వరునాజ్ఞల - నలవాటైన యాత్మకలపే లేదు	॥కటకటా॥