ఆంధ్రభారతి - తాళ్లపాక అన్నమాచార్య కీర్తనలు - నటనల భ్రమయకు నామనసా - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 354-3
సంపుటము: 4-317

తాళ్లపాక అన్నమాచార్య

రాగము: లలిత

నటనల భ్రమయకు నామనసా ఘటియించు హరియే కలవాఁడు	॥పల్లవి॥
ముంచిన జగమిది మోహినీగజము పొంచినయాస పుట్టించే దిది వంచనల నిజమువలెనే వుండును మంచులు మాయలే మారునాఁడు	॥నట॥
సరిసంసారము సంతలకూటమి సొరిదిఁ బచారము చూపే దిది గరిమ నెప్పుడుఁ గలకలమనుచుండును మరులగువిధమే మాపటికి	॥నట॥
కందువదేహము గాని ముదియదిది అందినబహురూప మాడేదిది యెందును శ్రీవేంకటేశ్వరుఁడుండును డిందుపడఁగనిదె తెరమరఁగు	॥నట॥