ఆంధ్రభారతి - తాళ్లపాక అన్నమాచార్య కీర్తనలు - నిశ్చింతం పరమం సుఖ మనుమాటే నిజము నిజము తెలియరు గాని - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 354-4
సంపుటము: 4-318

తాళ్లపాక అన్నమాచార్య

రాగము: గుండక్రియ

నిశ్చింతం పరమం సుఖ మనుమాటే నిజము నిజము తెలియరు గాని ఆశ్చర్యంబిది పరమయోగులకు ననుభవులకు దృష్టాంతము సుండీ	॥పల్లవి॥
కరచరణాదులుగలచైతన్యము గక్కునఁ బానుపుపైనుండి సరుగన సడిలిన నిద్రామందము సమకూడీ నరులకటువలెనే పరమాత్మునిపై సకలోద్యోగ వుపాయంబులు దా దిగవిడిచి ధరఁ దానుండిన బ్రహ్మానందము తనుఁదానే పైకొనుఁజుండీ	॥నిశ్చిం॥
వున్నతిఁ దానొక దేశములోపలనుండి క్రితముచూచిన నవియెల్లా అన్ని దేశములు నటుదలపోసిన యంతకుగోచరమైనట్లు యెన్నగఁబూర్వజ్ఞానంబున సర్వేశ్వరుఁడగు హరిఁదలఁచినను సన్నిధియగు సుజ్ఞానానందము సత్యము సత్యంబది సుండీ	॥నిశ్చిం॥
ననిచిన ప్రపంచకత్పములలో నానావిధముల జంతువులు తనుఁదాఁజూడగరానిరూపు లద్దములోపలఁ గన్నట్లు ఘనుడగు శ్రీవేంకటపతిరూపము గక్కన నెదుటనె సేవించి అనయము తనుఁదా సంతసించుటే యాత్మానందంబిది సుండీ	॥నిశ్చిం॥