ఆంధ్రభారతి - తాళ్లపాక అన్నమాచార్య కీర్తనలు - ఒసఁగితి విన్నియు నొకమాఁటే - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 354-5
సంపుటము: 4-319

తాళ్లపాక అన్నమాచార్య

రాగము: సాళంగనాట

ఒసఁగితి విన్నియు నొకమాఁటే వెస నిఁకఁ జేసే విన్నపమేది	॥పల్లవి॥
నారాయణ నీనామము దలఁచిన - నీరానివరములిచ్చితివి చేరి నిన్ను నిటు సేవించిననిఁకఁ గోరి పడయ నిఁకఁ గోరికలేవి	॥ఒస॥
హరి నీకొకమరి యటు శరణంటే గరిమల నన్నిటు గాచితివి నిరతముగా నిఁక నిను నుతియింపుచు అరగొరతనివి నిను నడిగేదేదో	॥ఒస॥
శ్రీవేంకటేశ్వర చేయెత్తిమొక్కిన భావమే నీవై పరగితివి యీవరుసల నీవింతటిదాతవు ఆవలనినుఁ గొనియాడెడిదేమి	॥ఒస॥