ఆంధ్రభారతి - తాళ్లపాక అన్నమాచార్య కీర్తనలు - దొరకినయప్పుడే తుదగాక - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 355-2
సంపుటము: 4-322

తాళ్లపాక అన్నమాచార్య

రాగము: లలిత

దొరకినయప్పుడే తుదగాక మరుగకు మెన్నఁడు మరి మనసా	॥పల్లవి॥
తనుభోగంబులఁ దనిపినపిమ్మట వెనుకొని హరిఁ దడవేనంటే దినమునుఁ దను నింద్రియములచల మిది తనియుట యెన్నఁడు దగు మనసా	॥దొర॥
తిరమగునాల దీరినపిమ్మట తెరలి విరతిఁ బొందే నంటే మరలని యాశామయ మీచిత్తము విరతి యెన్నఁడిఁక వెడ మనసా	॥దొర॥
ముదిసినపిమ్మట మొగి శ్రీవేంకట - సదయుఁ గొలుతు నిచ్చలునంటే హృదయము శ్రీవేంకటేశునినెల విది యిదిగనుటెన్నఁడు యీమహి మనసా	॥దొర॥