ఆంధ్రభారతి - తాళ్లపాక అన్నమాచార్య కీర్తనలు - తెలియనివారికిఁ దెరమరుఁగు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 355-4
సంపుటము: 4-324

తాళ్లపాక అన్నమాచార్య

రాగము: గుండక్రియ

తెలియనివారికిఁ దెరమరుఁగు తెలిసినవారికి దిష్టంబిదియే	॥పల్లవి॥
కన్నులయెదుటనుఁ గాంచినజగ మిది పన్నిన ప్రకృతియు బ్రహ్మమునే యిన్నిట నుండఁగ నిదిగాదని హరిఁ గన్న చోట వెదకఁగఁబోనేలా	॥తెలి॥
అగపడి యిరువదియైదై జీవునిఁ దగిలినవెల్లాఁ దత్వములే నగవుల నిదియును నమ్మగఁ జాలక పగటునఁ దమలో భమ్రయఁగ నేలా	॥తెలి॥
అంతరంగుఁడును నర్చావతారము నింతయు శ్రీవేంకటేశ్వరుఁడే చెంతల నీతనిసేవకులకు మరి దొంతికర్మములతోడ సిఁకనేలా	॥తెలి॥