ఆంధ్రభారతి - తాళ్లపాక అన్నమాచార్య కీర్తనలు - పోయఁ గాలం బడవికిఁ గాయు వెన్నెలకరణిని - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 31-7
సంపుటము: 1-194

తాళ్లపాక అన్నమాచార్య

రాగము: కన్నడగౌళ

పోయఁ గాలం బడవికిఁ గాయు ^[1]వెన్నెలకరణిని శ్రీయుతుఁ దలఁచుఁడీ నరులు మాయఁ బడి చెడక	॥పోయ॥
చిత్తము చేకూరుచుకొని చిత్తైకాగ్రతను చిత్తజగురునిఁ దలఁచుఁడీ చిత్తజుఁ జొరనీక	॥పోయ॥
బూరుగుమాఁకునఁ జెందిన కీరముచందమున అరయ నిష్పలమగు మరి యన్యులఁ జేరినను	॥పోయ॥
కూరిమి మా తిరువేంకటగిరిగురు శ్రీపాదములు చేరినవారికి భవములు చెంద వెపుడు నటుగాన	॥పోయ॥

^[1] ‘వెన్నెలల’ రేకు.