ఆంధ్రభారతి - తాళ్లపాక అన్నమాచార్య కీర్తనలు - చవి నోరి కేడఁ దెత్తు సంపదేడఁ దెత్తు వీని - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 355-6
సంపుటము: 4-326

తాళ్లపాక అన్నమాచార్య

రాగము: ముఖారి

చవి నోరి కేడఁ దెత్తు సంపదేడఁ దెత్తు వీని వరించుటే నా సంపదిది గాదా	॥పల్లవి॥
పచ్చడా లెక్కడఁ దెత్తు పట్టుచీర లేడఁ దెత్తు వెచ్చనిండ్లేడఁ దెత్తు వెంట వెంటను తెచ్చిన యీపచ్చడము దేహమిది వెంటవెంట వచ్చీఁగాక తన్నుఁదానె వద్దనఁగవచ్చునా	॥చవి॥
దొరతన మేడఁ దెత్తు దొడ్డసొమ్ము లేడఁ దెత్తు యెరవులసిరుల నేనేడఁ దెత్తు వెరవున నేనెవ్వరిని వేసరించఁజాలక దరిచేరుటే దొరతనమిదిగాదా	॥చవి॥
తోడఁబుట్టువుల నేడఁ దోడితెత్తుఁ జుట్టాల - నేడఁ దెత్తు సుతులపొందేడఁ దెత్తును వేడుకైనపొందు శ్రీవేంకటేశుఁ దలఁచుటే ఈడులేనిబంధుకోటి ఈతఁడెకాఁడా	॥చవి॥