ఆంధ్రభారతి - తాళ్లపాక అన్నమాచార్య కీర్తనలు - దిక్కులేనివారు నీవే దిక్కని కొలువఁగా - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 356-2
సంపుటము: 4-328

తాళ్లపాక అన్నమాచార్య

రాగము: ముఖారి

దిక్కులేనివారు నీవే దిక్కని కొలువఁగా అక్కరకితఁడు దైవమందురువో నిన్నును	॥పల్లవి॥
పాలుపడి నిన్నుఁజేరి పట్టి కొలిచినవారి జాలిపాటు తొలఁగించి జడనువాపి మూలఁబడనీక తెచ్చి ముద్దుసేసికావఁగాను మేలెరుఁగుబుధులెల్ల మెత్తురువో నిన్నును	॥దిక్కు॥
కొండలుఁ గోట్లునైన కోరికలు గలవారి - యండనే కోరికలిచ్చి యాదరించగా నిండినదాసులకెల్ల నీవే దైవ మవని కొండమీఁదనుండినఁ బైకొందురువో నిన్నును	॥దిక్కు॥
యేకమైనమనసుతో నెవ్వరు దలచినాను చేకొని కరుణఁ గృపసేయఁగాను యేకాలము శ్రీవేంకటేశుఁడు మాదైవమని లోకమెల్లఁ దామే కొలుతురువో నిన్నును	॥దిక్కు॥