ఆంధ్రభారతి - తాళ్లపాక అన్నమాచార్య కీర్తనలు - అందిచూడఁగ నీకు నవతారమొకటే - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 356-5
సంపుటము: 4-331

తాళ్లపాక అన్నమాచార్య

రాగము: గుండక్రియ

అందిచూడఁగ నీకు నవతారమొకటే యెందువాఁడవైతివి యేఁటిదయ్యా	॥పల్లవి॥
నవనీతచోరా నాగపర్యంకా సవనరక్షక హరీ చక్రాయుధా అవల దేవకిపట్టివని యశోదకు నిన్ను నివలఁ గొడుకవనేదిది యేఁటిదయ్యా	॥అంది॥
పట్టపు శ్రీరమణా భవరోగవైద్య జట్టిమాయలతోడిశౌరి కృష్ణ పుట్టినచో టొకటి పొదలెడిచో టొకటి యెట్టని నమ్మవచ్చు నిది యేఁటిదయ్యా	॥అంది॥
వేదాంతనిలయా వివిధాచరణా ఆదిదేవ శ్రీవేంకటాచలేశ సోదించి తలఁచినచోట నీ వుండుదువట యేదెస నీ మహిమే యిదేఁటిదయ్యా	॥అంది॥