ఆంధ్రభారతి - తాళ్లపాక అన్నమాచార్య కీర్తనలు - సోదించిరిదియె సురలును మునులును - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 357-2
సంపుటము: 4-334

తాళ్లపాక అన్నమాచార్య

రాగము: లలిత

సోదించిరిదియె సురలును మునులును ఆదికి ననాది హరినామం	॥పల్లవి॥
అరిది వేదశాస్త్రార్థసంగ్రహము అరయఁగ నొకటే హరినామం దురితహరము భవదుఃఖనాశనము అరిభయంకరము హరినామం	॥సోదించి॥
సకలపుణ్యఫలసారవిహారము అకలంకము హరినామం ప్రకటము సులభము పరమపావనము అకుటిలమిది హరినామం	॥సోదించి॥
కందువ సదరము కైవల్యపదము అందరికిదియే హరినామం యెందును శ్రీవేంకటేశ్వరు కరుణకు - నందుకోలైన హరినామం	॥సోదించి॥