ఆంధ్రభారతి - తాళ్లపాక అన్నమాచార్య కీర్తనలు - నాఁటకమింతా నవ్వులకే - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 358-1
సంపుటము: 4-339

తాళ్లపాక అన్నమాచార్య

రాగము: గుండక్రియ

నాఁటకమింతా నవ్వులకే పూఁటకుఁ బూఁటకుఁ బొల్లైపోవు	॥పల్లవి॥
కోటివిద్యలునుఁ గూటికొఱకె పో చాటువ మెలఁగేటి శరీరికి తేటల నాఁకలిదీరినపిమ్మట పాటుకుఁ బాటే బయలైపోవు	॥నాఁట॥
మెఱసేటిదెల్లా మెలుఁతలకొరకే చెఱలదేహములజీవునికి అఱమరపుల సుఖమందినపిమ్మట మొఱఁగుకుమొఱఁగే మొయిలై పోవు	॥నాఁట॥
అన్ని చదువులును నాతనికొరకే నన్నెరిఁగిన సుజ్ఞానికిని యిన్నిట శ్రీవేంకటేశుదాసునికి వెన్నెలమాయలు విడివడిపోవు	॥నాఁట॥