ఆంధ్రభారతి - తాళ్లపాక అన్నమాచార్య కీర్తనలు - ఎన్నిటికెన్నిటికని యెక్కడఁ దగిలెదము - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 358-2
సంపుటము: 4-340

తాళ్లపాక అన్నమాచార్య

రాగము: గుండక్రియ

ఎన్నిటికెన్నిటికని యెక్కడఁ దగిలెదము మన్నించు దేవ మాకుఁ జాలు	॥పల్లవి॥
ముఖరమై మాఁకులకు మొదలఁబోసిననీరు శిఖలకుఁ దనువెక్కి చిగిరించినయట్టు నిఖిలప్రయోజనాలు నీమూలమేకాన మఖపతి మీసేవే మాకుఁజాలు	॥ఎన్ని॥
వరుసలనిన్నిటా వన్నె బంగారమే పరపరివిధముల పలుసొమ్ములైనట్లు నిరతిఁ గర్మఫలాలు నీమూలమేకాన మరుగురుఁడవు నీవే మాకుఁజాలు	॥ఎన్ని॥
వెలయ శ్రీవేంకటేశ వివిధజంతువులకు అలవిలేనిభూమే యధారమైనట్లు నెలవు దేవతలకు నీవేలికవుగాన మలసి నీశరణమే మాకుఁజాలు	॥ఎన్ని॥