ఆంధ్రభారతి - తాళ్లపాక అన్నమాచార్య కీర్తనలు - మాయలో మోహమున మరచితివిదే హరి - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 358-3
సంపుటము: 4-341

తాళ్లపాక అన్నమాచార్య

రాగము: రామక్రియ

మాయలో మోహమున మరచితివిదే హరి వేయింటికి వింటే వివేకమా	॥పల్లవి॥
అంతటికినొడయఁడు అఖిలజీవులలోన అంతర్యామి శ్రీహరియట యింతటిలో నీకు హితబంధువులు వేరి వింతవారెవ్వరు నీకు వివేకమా	॥మాయ॥
అరయ నక్షరవాచి యతఁడట యిలలోనఁ బరమమంత్రాలెపో పలుకులెల్ల నిరతపునుతి యేది నిందయేది యిందులోన వెరవెరఁగవుగాక వివేకమా	॥మాయ॥
మొదలను నడుమను ముగిసినర్థములందు యెదుటను శ్రీవేంకటేశుఁడట యిది యది యననేల యిఛ్ఛాద్వేషమేల వెదకుము సమబుద్ధి వివేకమా	॥మాయ॥