ఆంధ్రభారతి - తాళ్లపాక అన్నమాచార్య కీర్తనలు - సందెకాడఁ బుట్టినట్టి చాయలపంట యెంత - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 358-4
సంపుటము: 4-342

తాళ్లపాక అన్నమాచార్య

రాగము: రామక్రియ

సందెకాడఁ బుట్టినట్టి చాయలపంట యెంత - చందమాయఁ జూడరమ్మ చందమామ పంట	॥పల్లవి॥
మునుపఁ బాలవెల్లి మొలచి పండినపంట నినుపై దేవతలకు నిచ్చపంట గొనకొని హరికన్నుఁగొనచూపులపంట వినువీధినెగడినవెన్నెలలపంట	॥సందె॥
వలరాజుపంపున వలపువిత్తినపంట చలువై పున్నమనాఁటి జాజరపంట కలిమికామినితోడ కారుకమ్మినపంట మలయుచుఁ దమలోనిమఱ్ఱిమానిపంట	॥సందె॥
విరహులగుండెలకు వెక్కసమైనపంట పరగ చుక్కలరాసిభాగ్యముపంట అరుదై తూరుపుఁగొండ నారఁగ బండినపంట యిరవై శ్రీవేంకటేశునింటిలోనిపంట	॥సందె॥