ఆంధ్రభారతి - తాళ్లపాక అన్నమాచార్య కీర్తనలు - ఎంత వెఱ్ఱిఁ గొండదవ్వి యెలుకఁ బట్టెద నేను - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 358-6
సంపుటము: 4-344

తాళ్లపాక అన్నమాచార్య

రాగము: బౌళి

ఎంత వెఱ్ఱిఁ గొండదవ్వి యెలుకఁ బట్టెద నేను పంతపు శ్రీహరి నా భ్రమ వాపవే	॥పల్లవి॥
పడనిపాట్లఁ బెక్కుపనులఁ దిరుగుటెల్ల కుడిచేపట్టెఁడు గూటికొర కింతే కా కడదాఁకాఁ జెలులతోఁ గాఁపురము సేయుటెల్ల వొడలు మరచియుండే వొక్క నిమిషానికా	॥ఎంత॥
ఘనమైన గృహములు గట్టుకొనుటెల్లాను తనువు మోచేయంతటికే కా తనివోని మతిలోని తలపోఁత లెల్లాను యెనసిన బదుకు తా నెంచుటకే కా	॥ఎంత॥
యింతలోని పనియని యెరఁగని చేతఁలెల్లా సంతకూటముల యీసంసారానకా చెంతలశ్రీవేంకటేశ చేరి నీకే శరణంటే యింతక మున్నిటినేర మేమనేవో కా	॥ఎంత॥