ఆంధ్రభారతి - తాళ్లపాక అన్నమాచార్య కీర్తనలు - ఎన్నఁడు నేఁ గందు నిందు నిందిరాపతి నీవే - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 359-5
సంపుటము: 4-349

తాళ్లపాక అన్నమాచార్య

రాగము: బౌళిరామక్రియ

ఎన్నఁడు నేఁ గందు నిందు నిందిరాపతి నీవే కన్ను లెదుటనుండి కరుణింతు గాక	॥పల్లవి॥
పొడమినయట్టె నిన్ను పొంచికొలిచేనంటే కడు నాకప్పుడు వివేకము చాలదు అడరి యంతటిమీఁదనైనాఁ దెలియఁబోతే వడి జవ్వన మదము వశమిందుగాదు	॥ఎన్నడు॥
వెనక నేఁ బ్రౌడనై విరతిఁ బొందేనంటే ధనవాంచ నేమియుఁ దడవనీదు తనువు ముదిసి నీకుఁ దపముసేసేనంటే వోనర నేమిటికి వోపికలేదు	॥ఎన్నడు॥
శ్రీ వేంకటేశ యీ సిలుగులఁబెట్టనేల కైవశమై నీవు గలిగుండఁగా నీవే కృపసేసి నేఁడిటుగావకున్న పావనమైన యీ పదవెందుఁగద్దు	॥ఎన్నడు॥