ఆంధ్రభారతి - తాళ్లపాక అన్నమాచార్య కీర్తనలు - వింతనా నేఁ దనకు వేసాలవాఁడు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 360-2
సంపుటము: 4-352

తాళ్లపాక అన్నమాచార్య

రాగము: ముఖారి

వింతనా నేఁ దనకు వేసాలవాఁడు కంతునికి గురుఁ డనగలిగినవాఁడు	॥పల్లవి॥
జడిగొని మొదలఁ దా జలసూత్రపువాఁడు వెడమాయలుగ బారి విద్యలవాఁడు కడుసోద్యములనే కర్మపుఁ జేఁతలవాఁడు అడరి కంభపుసూత్ర మాడెడివాఁడు	॥వింత॥
యిలనుండి మిన్ను ముట్టే యింద్రజాలములవాఁడు తల ద్రుంచి బ్రదికించుతక్కులవాఁడు తెలియఁ గొండలు నీళ్ళఁ దేలవేసినవాఁడు కలసి పగలు రేయిగాఁ జేసేవాఁడు	॥వింత॥
మగువల భ్రమ యించే మౌన వ్రతముల వాఁడు వెగటై రాయి గంతులు వేయించేవాఁడు చిగిరించే వరముల శ్రీ వేంకటాద్రివాఁడు బగివాయ కిట మమ్ముఁ బాలించేవాఁడు	॥వింత॥