ఆంధ్రభారతి - తాళ్లపాక అన్నమాచార్య కీర్తనలు - భారకుఁ డతఁడే బంధువుఁ డతడే - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 360-4
సంపుటము: 4-354

తాళ్లపాక అన్నమాచార్య

రాగము: మంగళకౌశిక

భారకుఁ డతఁడే బంధువుఁ డతడే చేరితి మతనినే చెంచెలమేలా	॥పల్లవి॥
చెనకునాయుధము చేతఁ గలిగితే ఘననిర్భయుఁడై కడఁగీనట్ల అనంతాయుధుఁ డాతుమనుండఁగ వెనుకొని యెందుకు వెఱవఁగనేలా	॥భార॥
భువి నొకరాజునుఁ బొందుగఁ గొలిచిన యివల నచ్చికం బెరఁగఁడట భువనరక్షకుఁడె పొదిగొని యేలఁగ వివరించి యొరుల వేఁడఁగనేలా	॥భార॥
తోవ విధానము దొరకినయప్పుడే యేవిధములు మరి యెంచఁడట శ్రీ వేంకటపతి చేకొని కావఁగ భావన నితరోపాయములేలా	॥భార॥