ఆంధ్రభారతి - తాళ్లపాక అన్నమాచార్య కీర్తనలు - తానే తానే యిందరి గురుఁడు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 360-5
సంపుటము: 4-355

తాళ్లపాక అన్నమాచార్య

రాగము: సామంతం

తానే తానే యిందరి గురుఁడు సానఁబట్టిన భోగి జ్ఞానయోగి	॥పల్లవి॥
అపరిమితములైన యజ్ఞాలు వడిఁ జేయఁ బ్రపన్నులకు బుద్ధి పచరించి తపముగా ఫలపరిత్యాగము సేయించు కపురుల గరిమల కర్మ యోగి	॥తానె॥
అన్ని చేఁతలును బ్రహ్మార్పణవిధిఁ జేయ మన్నించు బుద్ధులను మరుగఁజెప్పి వున్నతపదమున కొనరఁగఁ గరుణించ పన్నగ శయనుఁడే బ్రహ్మ యోగి	॥తానె॥
తనరఁగఁ గపిలుఁడై దత్తాత్రేయుఁడై ఘనమైన మహిమ శ్రీ వేంకటరాయఁడై వొనరఁగ సంసారయోగము గృపసేయు అనిమిషగతుల నభ్యాస యోగి	॥తానె॥