లంకెలూడుటే లాభము యీ కింకరులను నలఁగెడి కంటెను	॥లంకె॥
జంపులఁ జంపక [2]సరుగనఁ బాసేటి లంపటమేపో లాభము [3]కంపమోపుతోఁ గనలి శరీరపు కొంపలోన వేఁగుట కంటెను	॥లంకె॥
యీవలనావల నేచేటి యాసల[4] లావు దిగుటేపో లాభము యేవగింతలకు నిరవగు నరకపు కోవులఁ బడి మునుఁగుట కంటెను	॥లంకె॥
తివిరి వేంకటాధిపు దాసుల కృప లవలేశమేపో లాభము చవులని[5] నోరికి సకలము దిని తిని భవకూపంబులఁ బడు కంటెను	॥లంకె॥

---

^[1] నిడురేకు 29- సామంతం.

^[2] నిడురేకు 29- నొంపక.

^[3] నిడురేకు 29- గంపమోపు.

^[4] నిడురేకు 29- ఆవలనీవల నాసలుసేసెడి.

^[5] చవికొని.