ఆంధ్రభారతి - తాళ్లపాక అన్నమాచార్య కీర్తనలు - భళి భళి రామా పంతపు రామా నీ - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 361-1
సంపుటము: 4-357

తాళ్లపాక అన్నమాచార్య

రాగము: రామక్రియ

భళి భళి రామా పంతపు రామా నీ - బలిమి కెదురు లేరు భయహర రామా	॥పల్లవి॥
విలువిద్య రామా వీరవిక్రమ రామా తలకొన్న తాటకాంతక రామా కొలయై ఖరుని తలగుండుగండ రామా చలమరి సమరపు జయరామ రామా	॥భళి॥
రవికుల రామా రావణాంతక రామ రవిసుతముఖ కపిరాజ రామ సవరఁగాఁ గొండలచే జలధిగట్టిన రామ జవసత్త్వసంపన్న జానకీరామా	॥భళి॥
కౌసల్యరామా కరుణానిధి రామ భూసురవరద సంభూతరామా వేసాలఁ బొరలే శ్రీ వేంకటాద్రి రామ దాసులమమ్ముఁ గావఁదలకొన్న రామా	॥భళి॥