ఆంధ్రభారతి - తాళ్లపాక అన్నమాచార్య కీర్తనలు - అన్నిటికి నిది పరమౌషధము - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 361-2
సంపుటము: 4-358

తాళ్లపాక అన్నమాచార్య

రాగము: లలిత

అన్నిటికి నిది పరమౌషధము వెన్నుని నామమే విమలౌషధము	॥పల్లవి॥
చిత్తశాంతికిని శ్రీ పతి నామమె హత్తిననిజ దివ్యౌషధము మొత్తపు బంధవిమోచనంబునకు చిత్తజ గురుఁడే సిద్ధౌషధము	॥అన్నిటి॥
పరిపరి విధముల భవ రోగములకు హరిపాద జలమె యౌషధము దురితకర్మములఁ దొలఁగించుటకును మురహర పూజే ముఖ్యౌషధము	॥అన్నిటి॥
యిల నిహపరముల నిందిరావిభుని - నలరి భజింపుటె యౌషధము కలిగిన శ్రీ వేంకటపతి శరణమే నిలిచిన మాకిది నిత్యౌషధము	॥అన్నిటి॥