ఆంధ్రభారతి - తాళ్లపాక అన్నమాచార్య కీర్తనలు - ఎల్లలోకములవారి కేలిక దానే - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 361-3
సంపుటము: 4-359

తాళ్లపాక అన్నమాచార్య

రాగము: సామంతం

ఎల్లలోకములవారి కేలిక దానే కొల్లగా వరములిచ్చే గురుతైన దైవము	॥పల్లవి॥
కొండల కోనల లోన కోనేటి సరిదండ మెండైన బంగారు మేడలలోన నిండు జవ్వనము తోడి నెలఁత కౌఁగిటలోన వుండి జగమెల్ల నేలీ నుద్దండ దైవము	॥ఎల్ల॥
నాలుగు చేతుల తోడ నవ్వుల మోముతోడ సోలి సంకుఁజక్రముల సొంపుతోడ నేలమిన్నునొకటై నిలుచున్న రూపుతోడ పాలుపడి మెరసీని ప్రత్యక్ష దైవము	॥ఎల్ల॥
సంపదలు కడుమించి చవులతో నారగించి జొంపపు విరుల పూజ సొంపుమించి యింపుల శ్రీవేంకటాద్రి నిరవై వున్నాఁడు వీఁడె పంపుడు దేవతలతోఁ బ్రతిలేని దైవము	॥ఎల్ల॥