ఆంధ్రభారతి - తాళ్లపాక అన్నమాచార్య కీర్తనలు - బల్లిదులు నీకంటెఁ బరులున్నారా నన్నుఁ - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 361-4
సంపుటము: 4-360

తాళ్లపాక అన్నమాచార్య

రాగము: లలిత

బల్లిదులు నీకంటెఁ బరులున్నారా నన్నుఁ దొల్లిటి బారి నింకఁ దోయకు మో యయ్య	॥పల్లవి॥
చిక్కుల భవములఁ జెరఁజిక్కి వోపలేక నిక్కి నీమరఁగు చొచ్చి నిలిచితిని అక్కజమై యల్లనాఁడే అప్పులకర్మములెట్ల ఇక్కడనె చుట్టుముట్టీ నేమిసేతునయ్యా	॥బల్లిదు॥
లచ్చి సంసారమునకు లగ్గమచ్చి తీరలేక యిచ్చట నిన్నుఁగొలిచి యెక్కువై తిని పొచ్చముల నల్లనాఁటిపూఁట దీరదని కొన్ని బచ్చన బంధాలు వచ్చెఁ బాఁపగదవయ్య	॥బల్లిదు॥
అంచల నింద్రియముల కరివెట్టి పెట్టలేక ముంచి నీ పాదాలకు మొరవెట్టితి పొంచిన శ్రీవేంకటేశ భువన రక్షకుఁడవు పంచల నున్నాఁడ నన్నుఁ బాలించవయ్యా	॥బల్లిదు॥