ఆంధ్రభారతి - తాళ్లపాక అన్నమాచార్య కీర్తనలు - అల్లదెకో విజయధ్వజము జగ - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 362-2
సంపుటము: 4-364

తాళ్లపాక అన్నమాచార్య

రాగము: సామంతం

అల్లదెకో విజయధ్వజము జగ - మెల్లఁ జేకొనియె నీతఁడు	॥పల్లవి॥
తొక్కనిచోట్లు దొక్కెటి తురగపు రెక్కలమీఁదటి రేవంతుఁడు చక్కుగ నసురల సంహరించి యిదె దిక్కులు గెలిచెను దేవదేవుడు	॥అల్లదె॥
వోడక శంఖము నొగి చక్రముతో సూడుకుఁ దిరిగేటి శూరుఁడు యీడనుండి సురలిందరిఁ గాచెను మేడెపు మన లక్ష్మీ విభుఁడు	॥అల్లదె॥
శరణన వారలఁ జయ్యన గాచిన శరణాగత రక్షణ ఘనుఁడు తిరమై యింతకు దిక్కై నిలిచెను గరిమెల శ్రీ వేంకట విభుఁడు	॥అల్లదె॥