ఆంధ్రభారతి - తాళ్లపాక అన్నమాచార్య కీర్తనలు - ఎక్కడ నీ వుద్యోగ మెటు విచ్చేసేవయ్యా - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 362-3
సంపుటము: 4-365

తాళ్లపాక అన్నమాచార్య

రాగము: రామక్రియ

ఎక్కడ నీ వుద్యోగ మెటు విచ్చేసేవయ్యా యిక్కువ నీమహిమకు నెవ్వ రెదురయ్యా	॥పల్లవి॥
పల్లించి గరుడనిపై నీ వుబ్బుననెక్క అల్లనాఁడె పారిజాత మడవికెక్కె పల్లదపురుద్రుఁడును బాణునివాకిలి దొక్కె చుల్లరి రాక్షసమూఁక సురసుర సుక్కె	॥ఎక్కడ॥
గరుడినిపై నీవు కడుఁబేరెములవార ధరజలధరుల నమృతములు దేరె నిరతిఁ గంసాదులనెత్తురు టేరులు వారె పరులు నీకెదిరిన పగయెల్ల దీరె	॥ఎక్కడ॥
బంగారు గరుడనిపై నీవు వీదులేఁగ చెంగట శ్రీ వేంకటేశ సిరులుమూఁగె సంగతి నలమేల్మంగ సంతసాన విఱవీగె పొంగారు దేవదుందుభులు పై పై వాఁగె	॥ఎక్కడ॥